Nan tasirek dalam Tambo Asal Bundo Kanduang Kampuang Dalam Korong Sumpu Gudam Pagaruyuang. Bagian ke 9.
Mambangkik tareh tarandam, manjapuik gadai lamo . yang ke4
Pikia itu Pelito hati
Cahayo dari hati
Hati itu Cahayo Rohani
Rohani itu Cahayo Allah
Nan datang dari Zat Allah
Hati urang Mukmin itu Baitullah
Siapo nan bakuaso dibelakang Pikia
Nan manimbulkan niek karajo diri
untuak babuek satiok hari
niek lahianyo didalam pikia
satiok karajo dengan niek
satiok niek lillahi taala
satiok karajo dengan Allah.
Kalau indak ado rohani, indak ado pikia
pikia wajib dipimpin rohani
Rohani wajib dipangkuan Allah.
Bundo Kanduang sipat panyayang
anak kamanakan dibao tabang.
Kabau gadang indak bapikia
ingin manguasoi bumi Allah
Paga Ruyuang dirompaknyo
Puti Bungsu dilarikannyo
adat limbago dikuasoinyo
bacakak banyak mudah tajadi.
Sako jo Pusako bakaitan
Dang Tuang Ku digantuang tinggi
tareh tarandam indak tabangkik
Harato pusako digadaikan kamanakan
sarak basanda kulik kitab
gadai lamo dilupokan
kecek mamak dak bakuaso
Datuak pangulu makan hati
urang bariman indak takwa
khalipah kito indak bapungsi
Sendi tasimpan dalam kamar
Barang antik untuak pameran
Dalam pendidikan maso kini, Kurikulum Bakopetensi,
manajemen berbasis sekolah
karajo samo, diparalukan, Kabau gadang dikorbankan.
Tingkah laku diutamokan
Jiwa agamo dikamukokan
Anak fitrah dilahiakan, urang tuo mempertahankan.
Pamimpin hakiki diutamokan, Guru pendidik mintak bantuan.
Sendi dasar cito cito, ilmu manuntuik kito pimpin.
walau jawuah kanagari cino.
Dapek pangatahuan kito pagunokan
Bukan kito nan dikuasoinyo.
Awak kato napasu, Kito kato Rohani, awak musuah kito nan paliang gadang.
Awak basatu bagolongan, kito basatu Esa Basamo
Dimano Tuhan nan indak ado, jaan ba Tuhan ciek sorang.
Awak hambo atas pasuruah nan kito pimpin, dari pangkuan Tuhan nan kuaso,
Siapo nan kan kito jadikan pamimpin, dalam diri kito.
iduik tanpa tujuan, ibarat kapal berlayar tanpa Nakhoda.
Kini tuntutan dunia terhadap ilmu pengetahuan kian menajam,
Ilmu pengetahuan akan menjadi Adikuasa, dari negara Barat.
Urang awak, bagalabangan manuntuik ilmu kalua nagari,
Prof, DR, Sarjana batebaran.
Duo kamungkinan bisa tajadi,.
1,Banyak urang awak nan cadiak, nagari batambah kacau.
2.Banyak kito nan cadiak, nagari awak akan aman dan makmur.