Nan Tasirek Dalam Tambo Asal Bundo Kanduang Kampuang Dalam Korong Sumpu Gudam Pagaruyuang .Bagian ke 29.
Mambaco Kato Datuak Paduko Putiah nan Tagantuang Tinggi
Tagantuang nan indak pakai tali
Rabbaniah di Baitul Makmur
Kato nan indak bauruf basuaro
Rabbika caro mambaconyo
Maaf dimintak banyak banyak, bukan manyingguang siapo siapo,
mancari nan janiah dalam rasian
Manyampaikan mimpi diparanginan
Nan talalok sambia jago
Dirumah tagantuang dak batali
Nan mandanga dak batalingo
Nan maliek dak bamato
Nan bakato dak bauruf
Nan bapikia dak bautak
Nan ado dak baujud
MAMPAJANIAH BARASIAN
Wahai Datuak Gindo Tan Ameh, sarato Datuak Kari Mudo
Sutan Marajo jo malin malin
Malin Rajo jo Malin Pono
Malin Batuah jo Malin Ameh
Malin Putiah jo Malin Kayo sarato jo Malin Mandaro Kayo
Kotik Malano Kari jo Monti sarato Dubalang Gajah Barani
Niniak mamak cadiak pandai alim ulamak tuo tengganai korong Sumpu Kampuang Dalam Gudam Pagaruyuang, salingkaran Batang Selo aliran lawik Sahilan
LAI KOK TADANGA!,,
Kampuang Dalam dikincah urang, arah hati diputa nyo
Palito didatangkan dari barat, malin duduak disurau dipamalukan
Paga Ruyuang dicabuik urang, Tareh tacacak di dosernyo
Buayo Putiah dihitamkannyo, Mainang Kabau dimanangkanyo
Laikok baurang dalam Gala, indakkok dipakai camin taruih
pandang jo caliak dak papungsi
Gala diambiak isi paruik, kilek jo bayang dak bahayati, ering jo gendiang dak mangarati, kieh balabeh dak bapahami, suri toladan dakdak batiru.
Tagakkan Gala nan barisi, pabanyak gala dala korong, adokan rajo tiok Nagari. Anak cucu batambah banyak, Datuah jo Malin dak batambah
umua malin batambah gaek, tanago malin alah kurang
hati batambah kareh arang, kamanakan mati katakuik an
dibao lari pangatahuan nan datang dari barat,
Pintu timur malin tutuik, malin ikuik kabarat baratan
anak kamanakan lah diateiskan,
malin senyum senyum sajo, menonton senetron dilayar TV
anak kamanakan malin jadi bintangnyo
cukuik jo seni budayanyo
nan ado dalam dunia, malin taikuik ka dunia duniaan
Ma inang Kabau malin lupokan, surau lah malin tinggakan
kama anak kamanakan kamangaji
malin pandai pulo main hp, ma SMS kian kamari
meliputi alam dunia.
Ustano rajo alam balatakkan diateh bukik gunuang bonsu
jadi budaya dek nan mudo, tampek wisata dek rang banyak
tujuan mandapek piti banyak, mampakanyang hawa nafsu
Fitrah anak kamanakan, indak tapatahankan lai
tukang kabalo dilarikan kabau, buayo putiah dihitamkan
Makna tersirat.,
Dt Paduko Putiah nan tagantuang tinggi maksutnya, kehadiran hati
dihadirat Allah yang sempurna, atau Rabbaniah raja sekalian roh